У Беларусі ў 2022 годзе на вытворчасці пацярпеў 1781 чалавек
2- 29.03.2023, 19:06
- 2,202
![У Беларусі ў 2022 годзе на вытворчасці пацярпеў 1781 чалавек](https://i.c97.org/ai/452092/aux-head-1642934501-20220123_kaska_360.jpg)
132 загінулі.
У Менску 29 сакавіка прайшоў Рэспубліканскі семінар-нарада ў пытаннях аховы працы. На ім агучылі статыстыку што да няшчасных выпадкаў на вытворчасці, паведамляе сайт Федэрацыі прафсаюзаў Беларусі.
- Летась у арганізацыях краіны ў выніку няшчасных выпадкаў на вытворчасці пацярпеў 1781 працоўны (у 2021 годзе -1886). Колькасць загінулых на вытворчасці засталася на ранейшым узроўні - 132 чалавекі. Яшчэ больш за 1700 атрымалі цяжкія траўмы. Калі правесці чыста арыфметычныя разлікі, тое атрымліваецца, што прыблізна праз кожныя тры дні чалавек гіне ў выніку няшчаснага выпадку на працы. І штодзень пяць чалавек атрымліваюць цяжкія траўмы. Безумоўна, калі параўноўваць сітуацыю з вытворчым траўматызмам у пачатку 2000-х гадоў, то колькасць траўмаў знізілася. У 2022 годзе ў арганізацыях загінулі 662 працоўныя, з якіх 530 выпадкаў кваліфікаваныя як невытворчыя, - распавёў галоўны тэхнічны інспектар працы Федэрацыі прафсаюзаў Беларусі Павел Манько.
З году ў год абставіны шматлікіх няшчасных выпадкаў паўтараюцца як пад капірку: людзі падаюць з вышыні, бо працуюць без страхоўкі ці таму, што будаўнічыя аб'екты не абсталяваныя неабходнымі ахоўнымі агароджамі. Таксама практычна кожны год рэгіструюцца няшчасныя выпадкі пры правядзенні пасяўных або ўборачных кампаній у сельскай гаспадарцы, калі людзі трапляюць пад працуючую тэхніку. Выклікае трывогу і той факт, што за мінулы год вырасла колькасць працаўнікоў, якія загінулі ці атрымалі траўмы на вытворчасці ў стане алкагольнага ап'янення.
Са слоў кіраўніка ФПБ Міхаіла Орды, за 2022 год, за 2022 год у адпаведнасці з калектыўнымі дамовамі выплаты прадпрыемстваў пацярпелым у выніку вытворчага траўматызму склалі больш за 3 млн рублёў - гэта без уліку выплат у абавязковым страхаванні.