Стала вядома, за што затрымалі сына Анатоля Лябедзькі

Мужчыну арыштавалі на 15 дзён.

Беларускія сілавікі 28 сакавіка затрымалі Арцёма Лябедзьку - сына экс-кіраўніка Аб'яднанай грамадзянскай партыі Анатоля Лябедзькі.

Сына палітыка асудзілі паводле адміністрацыйнага артыкула 19.1 (дробнае хуліганства), паведаміў «Нашай Ніве» Анатоль Лябедзька. У пратаколе - стандартныя фармулёўкі. Напісалі, што ён нібыта прыйшоў а 8-й гадзіне вечара да будынку Кастрычніцкага РУУС, размахваў рукамі, лаяўся і прыставаў да міліцыянтаў.

Мужчыну далі 15 дзён.

Анатоль Лябедзька мяркуе, што на сына быў ціск і ён можа працягвацца і пасля гэтых 15 дзён.