OneWeb запусціла апошнюю партыю спадарожнікаў для глабальнага інтэрнэту

OneWeb з'яўляецца канкурэнтам Starlink Ілана Маска.

Сёння, 26 сакавіка, кампанія OneWeb, якая з'яўляецца канкурэнтам Starlink Ілана Маска, запусціла апошнія 36 спадарожнікаў са свайго першапачатковага "сузор'я" з 616 спадарожнікаў.

Пра гэта паведамляе Bloomberg.

"Сузор'е" з 616 спадарожнікаў дазволіць OneWeb прапанаваць глабальнае шырокапалоснае інтэрнэт-пакрыццё ўжо ў гэтым годзе.

Са слоў генеральнага дырэктара кампаніі Ніла Мастэрсана, цяпер кампанія мае дастаткова хуткасных касмічных апаратаў на арбіце, каб ужо ў траўні прапанаваць шырокапалосны доступ для бізнэсу і ўрадавых кліентаў у 48 штатах ЗША, а да канца 2023 года – глабальнае пакрыццё.

Запуск з'яўляецца важнай вяхой у новай касмічнай гонцы, якая мае на мэце аперазаць Зямлю тысячамі нізкалетных касмічных апаратаў для шырокапалоснай сувязі.