Украіна адказала на ядравы шантаж Пуціна і Лукашэнкі

Рэакцыя РНБА і Офіса Зяленскага.

Сакратар Рады нацыянальнай бяспекі і абароны Аляксей Данілаў пракаментаваў заяву расейскага дыктатара Уладзіміра Пуціна аб размяшчэнні тактычнай ядравай зброі ў Беларусі.

З ягоных слоў, гэта крок да ўнутранай дэстабілізацыі краіны. Пра гэта ён напісаў у сваім Twitter.

«Заява Пуціна аб размяшчэнні тактычнай ядравай зброі ў Беларусі - крок да ўнутранай дэстабілізацыі краіны - максімальна павышае ўзровень негатыўнага ўспрымання і грамадскага адрыньвання ў беларускага грамадства Расеі і Пуціна», - канстатаваў ён.

Данілаў таксама дадаў, што тым самым Крэмль фактычна ўзяў Беларусь у ядравыя заложнікі.

Рэакцыя Офіса прэзідэнта Украіны

Дарадца кіраўніка Офіса прэзідэнта Украіны Міхаіл Падаляк разлічвае на тое, што Еўропа ўзмоцніць санкцыі супраць Расеі ў адказ на яе пастанову размясціць тактычную ядравую зброю ў Беларусі.

Ён заклікаў да ўвядзення абмежаванняў супраць «Расатама». Сваё меркаванне ён агучыў у эфіры тэлеканала LCI.

Пры гэтым Падаляк таксама заклікаў павялічыць пастаўкі зброі Украіне для контрнаступлення праз недахопу ў УСУ 155-міліметровых набояў, танкаў і тактычнай амуніцыі.

«Неабходна павялічыць вайсковы патэнцыял Украіны для контрнаступлення і ўзмацніць санкцыі супраць Расеі», - адзначыў прадстаўнік АП.