29 сакавiка 2024, Пятніца, 9:46
Падтрымайце
сайт
Сім сім,
Хартыя 97!
Рубрыкі

«Нью-Джэрсі» Шаранговіча выйшаў у плэй-оф НХЛ

2
«Нью-Джэрсі» Шаранговіча выйшаў у плэй-оф НХЛ

Апошні раз хакеіст з Беларусі ўдзельнічаў у розыгрышы Кубка Стэнлі ў 2015 годзе.

«Нью-Джэрсі Дэвілз» зарэзерваваў тур у плей-оф Нацыянальнай хакейнай лігі (НХЛ) за дзевяць гульняў да канца рэгулярнага чэмпіянату. У сваім апошнім матчы «д'яблы», за якіх выступае беларускі нападнік Ягор Шаранговіч, перамаглі «Атаву» — 5:3, паведамляе НХЛ.

Пасля 73 матчаў у «Нью-Джэрсі» 100 балаў. 24-гадовы Шаранговіч праводзіць за гэтую каманду трэці сезон. Цяпер Ягор набраў у 67 матчах 29 (13+16) балаў пры паказчыку карыснасці -4.

«Вашынгтон Кэпіталз» Аляксея Протаса яшчэ прэтэндуе на выхад у плэй-оф, але гэта будзе зрабіць складана. У каманды беларуса 76 балаў пасля 74 гульняў, а ў «Піцбурга», які займае восьмае прахадное месца ў канферэнцыі, 82 балы пасля 73 матчаў. Што да Протаса, то ён у цяперашнім сезоне правёў за «сталічнікаў» 50 матчаў і набраў 13 (3+10) балаў пры паказчыку карыснасці -2.

Адзначым, што беларусы не бралі ўдзел у розыгрышы Кубка Стэнлі з 2015 года. Апошнім з нашых гульцоў у плэй-оф НХЛ выходзіў на лёд Міхаіл Грабоўскі - у складзе «Айлендэрс».

Напісаць каментар 2

Таксама сачыце за акаўнтамі Charter97.org у сацыяльных сетках