На БЧ адбыліся тры сур'ёзныя надзвычайныя здарэнні
6- 25.03.2023, 17:20
- 13,926
![На БЧ адбыліся тры сур'ёзныя надзвычайныя здарэнні](https://i.c97.org/ai/452278/aux-head-1643091124-20220124_poezd_nn.by_360.jpg)
Інцыдэнты паўплывалі на бяспеку руху.
Супольнасць чыгуначнікаў Беларусі паведамляе пра тры сур'ёзныя парушэнні транспартнай бяспекі на БЧ, якія адбыліся 23 сакавіка.
Паводле інфармацыі аўтараў, гаворка ідзе пра наступныя інцыдэнты:
пашкоджанне токапрыёмнікаў электрацягніка праз няспраўнасць кантактнай сеткі, якое выклікала неабходнасць задзейнічання дапаможных лакаматываў і правядзенне рамонтных працаў на перагоне;
сутыкненне групы вагонаў з тупіковай прызмай на станцыі Сітніца;
разрэз стрэлачнага пераводу на станцыі Баранавічы-Цэнтральныя.
«Гэтыя выпадкі з'яўляюцца сур'ёзнымі транспартнымі здарэннямі, якія значна зніжаюць узровень бяспекі руху на БЧ», – гаворыцца ў паведамленні.