Лукашысты зладзілі масавы «хапун» актывістаў БСДП на Дзень Волі
6- 25.03.2023, 14:32
- 14,584
![Лукашысты зладзілі масавы «хапун» актывістаў БСДП на Дзень Волі](https://i.c97.org/ai/425360/aux-main-1623225941-20210609_ment_bel_360.jpg)
Затрыманні прайшлі ў Берасці, Бабруйску і Пружанах.
У Берасці, Бабруйску і Пружанах сілавікі правялі затрыманні і ператрусы ў кватэрах актывістаў БСДП. Прэс-служба партыі паведамляе, што некаторыя палітыкі застаюцца за кратамі.
У Берасці сілавікі затрымалі актывіста ЦК БСДП Валянціна Лазарэнкава. У яго доме зладзілі ператрус. Прычыны і падставы для пераследу палітыка пакуль невядомыя.
![](https://i.c97.org/ai/541445/aux-1679743858-1.png)
У сябра ЦК БСДП, старшыні Магілёўскай абласной арганізацыі БСДП Юрыя Грынявецкага таксама адбыўся ператрус. Сілавікі канфіскавалі тэхніку, партыйныя часопісы і сцяжкі з партыйнай сімволікай. Пасля ператрусу Грынявецкага забралі на допыт. Вядома, што цяпер ён на волі.
![](https://i.c97.org/ai/541445/aux-1679743858-2.png)
Таксама стала вядома аб затрыманні актывістаў БСДП у Пружанах Берасцейскай вобласці.