Саакашвілі заявіў, што яго атруцілі расейскія агенты

Экс-прэзідэнту Грузіі ў ежу маглі дадаваць невялікія дозы атруты.

Былы прэзідэнт Грузіі Міхеіл Саакашвілі заявіў, што да яго атручвання ў турме датычныя расейскія агенты.

Пра гэта паведамляе Politico.

Палітык выказаў меркаванне, што расейцы пачалі дзейнічаць у грузінскіх службах бяспекі пасля яго арышту і маглі арганізаваць атручэнне.

«Ва ўстанове, у якой я знаходжуся, асноўныя пастановы аб лячэнні прымаюць службы бяспекі, а не лекары - яны прызначаюць увесь медперсанал», - заявіў Саакашвілі.

У сваю чаргу адвакат былога прэзідэнта Масіма Д’Анджэла паведаміў, што палітыку ў ежу маглі дадаваць невялікія дозы атруты. Ён думае, што такія метады падобныя да «павольных і балючых метадаў Крамля, калі гаворка ідзе аб ліквідацыі палітычных зняволеных».