Сетку лабараторый Synevo ў Беларусі аддалі расейцам

Змяняюць шыльды і рэактывы.

Сетка Synevo у Беларусі канчаткова перайшла пад кіраванне расейскай Helix. Лабараторныя пункты сталі мяняць шыльды, цяпер там пазначана адразу два брэнды, піша «Точка.by».

Працэс пераходу пад кіраванне Helix пачаўся яшчэ ў лютым і працягваецца дагэтуль.

«Паступова ўсё ідзе. Змяняюцца шыльды. Але працуем як раней, усе паслугі захоўваюцца», - адзначыла супрацоўніца кампаніі.

Яна таксама расказала, што найбліжэйшым часам у сетцы могуць з'явіцца новыя лабараторныя пункты.

На пытанне, што ж усё ж такі змянілася ў працы лабараторый, у кампаніі адзначылі, што зараз рэактывы для правядзення аналізаў будуць вытворчасці РФ.

Нагадаем, пра тое, што швэдскі медыцынскі холдынг Medicover, уладальнік сеткі лабараторый «Сінэва», сыходзіць з Беларусі, пра гэта стала вядома летась у лістападзе.