У Кіеве з'явілася вуліца Уладзіміра Караткевіча

Класік беларускай літаратуры вучыўся ў Кіеўскім універсітэце.

Ва ўкраінскай сталіцы афіцыйна з'явілася вуліца беларускага пісьменніка Уладзіміра Караткевіча. Адпаведную пастанову прыняла Кіеўская гарадская рада.

Пастанова прынятая ў рамках праграмы змены назваў, звязаных з РФ і яе сатэлітамі. 23 сакавіка кіеўскія дэпутаты перайменавалі 16 аб'ектаў. Вуліца імя савецкага літаратурнага крытыка Дабралюбава атрымала імя Уладзіміра Караткевіча.

Класік беларускай літаратуры вучыўся ў Кіеўскім універсітэце. Ва ўкраінскай сталіцы ўсталяваны помнік Караткевічу.