Польшча пабудавала ўжо 107 кіламетраў сцяны на мяжы з РФ

Варшава пастанавіла адгарадзіцца ад агрэсара.

Прадстаўніца Вармінска-Мазурскага аддзела Памежнай службы Польшчы Міраслава Александровіч паведаміла, што ўжо пабудаваныя 107 кіламетраў сцяны на мяжы з расейскай Калінінградскай вобласцю.

Пра гэта паведамляе Wnp.pl.

«Мы пабудавалі ўжо блізу 107 км гэтай загароды. Гэта больш за палову адлегласці наземнага адрэзку мяжы Польшчы з РФ, якая складае 198 км», – паведаміла Александровіч.

Загароду пачалі будаваць у пачатку лістапада 2022 года. Яна складаецца з трох шэрагаў калючага дроту на металічных слупах 2,5 метра ў вышыню і 3 метры ў шырыню.

У пачатку красавіка пачнуць мантаваць так званы электронны бар'ер – сістэму фіксацыі руху на мяжы.

30 чэрвеня Польшча закончыла будаўніцтва сцяны на мяжы з Беларуссю. Даўжыня сцяны складае блізу 140 км, а вышыня 5,5 метраў.