Расейская СПА збіла свой знішчальнік над Данецкам

Апублікаванае відэа з месца падзення самалёта.

Учора, 20 сакавіка, расейскія акупанты збілі з сістэм СПА свой самалёт над захопленым Данецкам.

Напярэдадні над часова акупаваным Данецкам спрацавалі расейскія сістэмы супрацьпаветранай абароны.

Захопнікі зноў прадэманстравалі свае здольнасці і дэмілітарызавалі вайсковы самалёт РФ.

Кадры публікуе ТГ-канал "Украіна 365".

Паводле папярэдніх звестак, войска Расеі дапамагло здзейсніць «адмоўны палёт» свайму Су-27 або Су-35.

«Бі сваіх, каб чужыя баяліся!» - пакпілі з войска РФ карыстальнікі. Мяркуючы з відэа, пілот паспеў катапультавацца.

Жыхары Данецка, якія здымалі відэа, сцвярджалі, што бачылі пад купалам парашута чалавека. Папярэдне вядома, што ён выжыў.