Дроны над Расеяй: «Панцыры» на дахах бескарысныя

Беспілотнікі ўжо далятаюць да Падмаскоўя.

Неапазнаныя лятальныя апараты, мяркуючы з паведамленняў СМІ і Мінабароны РФ учора былі заўважаныя адразу ў некалькіх рэгіёнах Расеі, а менавіта: у Белгарадзе, Туапсэ, Адыгеі, Бранскай вобласці і Падмаскоўі. Аэрапорт Пулкава ў Санкт-Пецярбургу 28 лютага на некалькі гадзін перастаў прымаць і адпраўляць самалёты.

Пазней Мінабароны РФ абвясціла, што неба над горадам закрывалі для трэніроўкі войскаў СПА, аднак шэраг СМІ і Telegram-каналаў выказалі версію, што і гэта магло быць звязана з невядомымі БПЛА.

Якая верагоднасць, што да з'яўлення неапазнаных дронаў над Расеяй датычныя Узброеныя сілы Украіны, і наколькі сур'ёзна РФ успрымае гэтую пагрозу? Пра гэта ў праграме "DW Навіны Шоў" распавёў ізраільскі вайсковы экспэрт Давід Гендэльман.

- Ці ёсць імавернасць, што гэта расейскія дроны, запушчаныя з мэтай зымітаваць напад NАТО?

- Па-першае, у гэтым няма патрэбы. А па-другое, што да некаторых дронаў, з паведамленняў, ужо было вызначана, што яны - украінскага тыпу. Агулам мы ўжо не першы раз бачым атакі ўкраінскімі беспілотнікамі (цэлі на тэрыторыі Расеі. - Рэд.), таму ў версіі аб правакацыі абгрунтавання няма. Сёння проста больш разнастайная геаграфія: адразу ў некалькіх мясцінах, у тым ліку Падмаскоўі. Але само па сабе гэта пачалося ўжо некалькі месяцаў таму, вось чаму ў пашырэнні нічога дзіўнага няма.

- Ці ёсць прычына, чаму гэтыя беспілотнікі з'явіліся ў адзін дзень?

- Аб прычыне гэтага ведае толькі непасрэдна ўкраінскае камандаванне. Але ў прынцыпе спробы (атакаваць дронамі тэрыторыю РФ. - Рэд.) амаль кожны дзень адбываюцца ў прымежных абласцях - Белгарадскай і Курскай. Сёння на гэта, магчыма, наклаліся аперацыі больш высокага ўзроўню: у Падмаскоўі, Туапсэ і Адыгеі. Але, магчыма, часткова гэта проста супадзенне, бо ўдары ў памежных абласцях наносяцца падраздзяленнямі ніжэйшага ўзроўню. Падмаскоўе - гэта, відаць, нешта больш стратэгічнае.

Яшчэ ў верасні ў сваім праграмным артыкуле (гетман УСУ. - Рэд.) генерал Залужны паказаў, то Расея мае магчымасць «беспакарана» наносіць удары па ўсёй тэрыторыі Украіны, у той час як Украіна - толькі па «аператыўным тыле» супраціўніка, бо паміж Расеяй і Украінай няма парытэту з пункту гледжання далёкасці сродкаў знішчэння. У Расеі ёсць сродкі (з далёкасцю знішчэння. - Рэд.) да 2 000 км, а ў Украіны няма. Калі б такія сродкі (у Украіны. - Рэд.) з'явіліся, вайна пачала б выглядаць па-іншаму. Таму было зразумела, што ўкраінцы, наколькі гэта магчыма, пастараюцца дабіцца гэтага парытэту тымі сродкамі, што ёсць.

(Лятальны. - Рэд.) апарат у Падмаскоўе - гэта, з паведамленняў, украінскі беспілотнік з далёкасцю блізу 800 км. Калі так пойдзе далей, сістэмна і ў вялікай колькасці… На гэтым фоне можна паглядзець на расейскую рэакцыю. Калі нядаўна мы бачылі паведамленні аб размяшчэнні «Панцыраў» на будынках у Маскве, то ўчора з'явіліся паведамленні аб тым, што вайсковая СПА пераведзеная з падпарадкавання наземных сіл у падпарадкаванне Паветрана-касмічных сіл.

Гэта паказвае нам, што ў расейскім войску была прынятая пастанова звесці пад адным дахам усе сілы СПА. Цалкам магчыма, што гэта было зроблена менавіта для супрацьстаяння ўкраінскім спробам, якія ўзмацніліся, наносіць удары ўглыб Расеі з дапамогай сродкаў паветранага нападу. (…) Гэта значыць, расейскі бок успрымае гэтую пагрозу цалкам сур'ёзна і імкнецца ёй супрацьпаставіць усё, што можна.

- Што ж з расейскай сістэмай СПА?

- У Расеі асноўная праблема - гэта вялізная тэрыторыя. Магчыма, менавіта з гэтым была звязаная пастанова звесці ўсе сродкі СПА пад адным дахам, каб павысіць іх каардынацыю і эфектыўнасць.

Але ўсё перахапіць немагчыма, і ўкраінцы гэта цудоўна разумеюць. Таму сродкі паветранага нападу ідуць па магчымасці на малой вышыні, хаваючыся ад радараў. Гэта, дарэчы, адна з прычын, чаму дроны так часта самі падаюць ці разбіваюцца ў лесе аб дрэвы. (…) Хоць частка сродкаў (напады. - Рэд.) і перахапляецца: як мы бачылі, і ў Маскоўскай вобласці, і ў Адыгеі не было знішчэння нейкага аб'екта. Гэта значыць беспілотнікі альбо былі збітыя, альбо ўпалі самі, не даляцеўшы да цэлі. Але галоўнае тут - не траплянне, а нарошчванне спроб. Калі іх будуць рабіць усё часцей, то рана ці позна і адсотак траплянняў непазбежна падвысіцца.

- Якую максімальную шкоду могуць нанесці такія апараты?

- Залежыць ад канкрэтнага апарата. Той, што быў у Падмаскоўі, з паведамленняў, - украінскі UJ-22 Airborne. З афіцыйных тэхнічных характарыстыках, ён нясе да 20 кг карыснай нагрузкі. Само па сабе гэта не шмат, але калі ён, як кажуць, ляцеў у газакампрэсарную станцыю, то там і 20 кг дастаткова пры ўдалым траплянні, каб прычыніць вялікую шкоду.

- Сэнс такіх нападаў - вайсковы або паказальна-псіхалагічны?

- Пры ўдалым траплянні будзе і вайсковы складнік, таму што нафтабаза (як у Туапсэ. - Рэд.) - гэта вельмі важны элемент забеспячэння войскаў. Калі пакуль не атрымалася і беспілотнікі былі збітыя, дык пакуль быў сапраўды толькі псіхалагічны эфект. (Кіеву атрымалася. - Рэд.) паказаць, на што здольнае ўкраінскае войска. Калі беспілотнікі ўжо далятаюць да Падмаскоўя - якія высновы павінен зрабіць расейскі бок? І, відаць, ён іх цалкам робіць.