Якое будзе надвор'е на гэтым тыдні

Прагноз у Беларусі на 7–9 лютага.

7 лютага надвор'е ў Беларусі ў асноўным будзе вызначаць малаактыўны атмасферны фронт. Воблачна з праясненнямі. У многіх раёнах краіны пройдзе кароткачасовы снег, мокры снег. На асобных адрэзках дарог галалёдзіца, піша pogoda.by.

Вецер ноччу паўночна-заходні, днём з пераходам на паўночна-ўсходні слабы да сярэдняга. Тэмпература паветра мінімальная ноччу -1... -7°С, пры праясненнях -8… -12°С; максімальная днём -5… +1°С. Атмасферны ціск уначы істотна не зменіцца, днём будзе расці.

8–9 лютага ўмовы надвор'я будзе фармаваць вобласць высокага атмасфернага ціску, сфармаваная ў халоднай паветранай масе. Чакаецца воблачнае з праясненнямі надвор'е.

8 лютага пераважна без ападкаў. Уначы і раніцай месцамі слабыя туман і намаразь. На асобных адрэзках дарог галалёдзіца. Вецер няўстойлівы слабы да сярэдняга. Тэмпература паветра мінімальная ноччу -5… -12°С, пры праясненнях -13… -17°С, па паўднёвым захадзе краіны яна складзе -3… -4°С; максімальная днём -5... +2°С.

9 лютага пераважна без ападкаў. Уначы і раніцай месцамі слабыя туман, намаразь. На асобных адрэзках дарог галалёдзіца. Вецер паўднёва-заходні сярэдні. Тэмпература паветра мінімальная ноччу будзе знаходзіцца ў межах ад -3°С па паўночным захадзе да -12°С па паўднёвым усходзе краіны, пры праясненнях у Гомельскай і Магілёўскай абласцях -13... -15°С; максімальная днём складзе -4… +2°С.