Прыгожын аспрэчыў фэйк расейскіх СМІ пра баі за Бахмут

Кіраўнік ПВК «Вагнер» пракаментаваў інфармацыю пра баі за горад.

Верхавод ПВК «Вагнер» Яўген Прыгожын, найміты якой удзельнічаюць у штурме Бахмута ў Данецкай вобласці, аспрэчыў паведамленні расейскіх СМІ, што ўкраінскае войска нібы «адступае з паўночных кварталаў горада».

Верхавод расейскіх наймітаў заявіў, што УСУ ваююць да апошняга, баі ідуць за кожную вуліцу.

– УСУ нікуды не адыходзяць. Гэта адносіцца не толькі да паўночных кварталаў Бахмута, але і да ўсіх астатніх.

Раней сайт Charter97.org прыводзіў заяву прэзідэнта Украіны Уладзіміра Зяленскага, што Бахмут ніхто здаваць не будзе.