У Беларусі на панядзелак абвешчаны жоўты ўзровень небяспекі

Будзе абліваха.

На панядзелак, 6 лютага, як і на нядзелю, на асобных адцінках дарог у краіне прагназуецца слізгота. Праз гэта сіноптыкі абвясцілі жоўты ўзровень небяспекі, паведамляецца на сайце Белгідрамета.

У панядзелак у Беларусі будзе хмарна з прасвятленнем, вецер заходні 3-8 м\с, месцам на дарогах - слізгота.

У Віцебску і Магілёве пройдзе невялікі снег, тэрмомэтар пакажа ад -2 да -4°C марозу. У Гомелі тэмпература паветра такая ж, але істотных ападкаў не прагназуюць.

У Менску таксама абяцаюць невялікі снег, на дварэ будзе ад -1 да -3°C.

Цяплей за ўсё будзе на захадзе Беларусі - у Берасці і Гародні ад -1 да +1°C, без істотных ападкаў.