Пуцін запанікаваў праз выбухі ў Белгарадзе і Курску

Расейцаў рыхтуюць да масавага перасялення?

Прэзідэнт Расеі Уладзімір Пуцін назваў «прыярытэтнай задачай», якая стаіць перад расейскім вайсковым ведамствам, ліквідацыю «самой магчымасці абстрэлаў» памежных тэрыторый Расеі. Аб гэтым ён заявіў у сераду на нарадзе ў відэафармаце, перадае «Радыё Свабода».

Тэму нарады ён абазначыў як «падтрымку жыхароў Крыма, Белгарадскай, Бранскай і Курскай абласцей».

Віцэ-прэм'ер РФ Марат Хуснулін заявіў на нарадзе, што жыхароў раёнаў, якія мяжуюць з Украінай, трэба рассяліць. Як заявіў Хуснулін, на рассяленне жыхароў Белгарадскай, Курскай і Бранскай абласцей неабходна 9,4 мільярда рублёў.