Расейцы паплаціліся за «хітры манеўр» каля Бахмута

Украінскія памежнікі ліквідавалі падраздзяленне войскаў РФ.

Украінскія памежнікі ліквідавалі восем расейскіх захопнікаў паблізу Бахмута ў Данецкай вобласці.

Пра гэта паведамляе Дзяржаўная памежная служба Украіны.

«Ніводзін з васьмі акупантаў жывым на полі бою не застаўся», - сказана ў паведамленні. Расейцы паспрабавалі акружыць і ўзяць штурмам апорны пункт памежнікаў паблізу Бахмута і паплаціліся за гэта.

«Манеўры варожых сіл заўважылі аператары БПЛА і скарэктавалі на іх мінамёт. А байцы на апорным пункце адкрылі па захопніках агонь са стралковай зброі і гранатамётаў. Варожая група была ліквідаваная ў поўным складзе!» - гаворыцца ў паведамленні.