23 лютага 2024, Пятніца, 2:40
Падтрымайце
сайт
Сім сім,
Хартыя 97!
Рубрыкі

«Салаўёву варта задумацца»: Хто будзе наступным пасля Ківы

5
«Салаўёву варта задумацца»: Хто будзе наступным пасля Ківы

Ёсць падставы меркаваць, што на дэпутату-здрадніку справа не скончыцца.

У сераду, 6 снежня, у Падмаскоўі, на тэрыторыі паркавай зоны гатэля «Веліч Country Club», было знойдзенае цела былога нардэпа ад АПЗЖ і паплечніка Медзведчука Іллі Ківы. Вядома, што Ківу ліквідавалі падчас шпацыру. Паведамлялася, што на ягоным целе знойдзеныя два кулявыя раненні. Ягоную смерць афіцыйна пацвердзілі ў Расеі, а Следчы камітэт пачаў крымінальную справу і скіраваў для пошуку забойцаў сваіх «найлепшых следчых».

Пра тое, хто і чаму ліквідаваў экс-нардэпа здрадніка і хто будзе наступным, піша «Апостроф».

Літаральна адразу ж пасля весткі пра смерць Іллі Ківы з'явілася заява ГУР. Прадстаўнік спецслужбы Андрэй Юсаў у эфіры тэлемарафону сказаў наступнае: «Можам пацвердзіць, што Ківа – “усё”. І такі лёс напаткае і іншых здраднікаў Украіны, а таксама паслугачоў пуцінскага рэжыму».

Пасля гэтых словаў у СМІ стала распаўсюджвацца інфармацыя, што Ківу ліквідавала ўстанова Буданава.

Гэта выклікала немалую колькасць пытанняў. Вядомы журналіст Юры Бутусаў раскрытыкаваў гэты ўкід. «Служба бяспекі Украіны правяла аперацыі ў нейтралізацыі здраднікаў Ківы ў Маскве і Папова ў Луганску. Можна толькі падзякаваць за актыўную наступальную працу СБУ і Васілю Малюку, які ўсім гэтым кіруе. Разам з тым я вельмі здзіўлены, што зноў чарговую аперацыю СБУ першым каментуе і выдае за сваю працу Галоўная ўправа разведкі Мінабароны. ГУР МА спяшаецца пракаментаваць падзеі, у якіх увогуле не разбіраецца і да якіх не мае ніякага дачынення», – адзначыў ён.

Зрэшты, эксперты мяркуюць, што адбылася няправільная інтэрпрэтацыя тэзісаў ГУР.

«Трэба крыху растлумачыць сітуацыю! ГУР абсалютна дакладна не мае дачынення да ліквідацыі. Агнястрэльная зброя знаходзілася ў руках адчайных хлопцаў!» – напісаў у Facebook з намёкам былы супрацоўнік СБУ Іван Ступак.

«Дарэчы, ГУР не сказаў, што Ківу ліквідавалі яны. Словы Юсава сфармуляваныя абцякальна, але журналісты гэта інтэрпрэтавалі па-свойму, – кажа ў каментары “Апострафу” Іван Ступак. – Першым пра гэта сказаў прадстаўнік ГУР толькі таму, што ў ГУР журналістам лягчэй датэлефанавацца».

Хутчэй за ўсё, гэтая аперацыя рыхтавалася даўно.

«СБУ сапраўды правялі беспрэцэдэнтную спецаперацыю недалёка ад рэзідэнцыі Пуціна. Адбывалася доўгае вывучэнне абстаноўкі, перамяшчэння і звычак здрадніка. Прадумвалася, як да Ківы зручней падвесці чалавека, каб ён не спалохаўся. Як прабрацца ў лакацыю, дзе ён пражываў – гатэль “Веліч Country Club”. Гэта сур'ёзная падрыхтоўчая праца, спачатку на тэрыторыі Украіны, а потым – у РФ. Трэба спланаваць шляхі пранікнення, шляхі падыходу, шляхі адыходу. Гэта ўсё магло быць запланаванае, дапусцім, улетку. А рэалізаванае толькі цяпер – таму што склаліся ўсе прыдатныя абставіны», – тлумачыць Ступак.

Паколькі планаванне і ажыццяўленне падобнай спецаперацыі ў сталіцы Расеі справа даволі складаная, то ў сетцы таксама з'явілася інфармацыя, што Ківу, нібыта, ліквідавала ФСБ.

«Давайце разважаць лагічна, – кажа Іван Ступак, – Ківа ў Расеі выконваў ролю прапагандыста, ён хадзіў па ўсякіх каналах і трансляваў крамлёўскія наратывы. Ён ім быў патрэбен у гэтай ролі. У яго была крыніца фінансавання. Ён жыў у дарагім гатэлі, ён ездзіў на браняваным аўто, у яго была ахова, ён карыстаўся паслугамі эскортніцаў. Дапусцім, ён сваім гаспадарам надакучыў ці стаў выходзіць з-пад кантролю. Так ім прасцей было адрэзаць яму фінансаванне, адабраць ствол, пачаць крымінальную справу паводле якога-небудзь артыкула і закрыць у СІЗА, як Гіркіна. Але гэтага зроблена не было. Паводле маёй дакладнай інфармацыі гэта зрабілі людзі Малюка».

Нават расейскія «ваенкары», а потым і афіцыйныя прапагандысты сказалі, што «забойства было арганізаванае замежнай дзяржавай і выкананае яе агентурнай сеткай».

«Гэта, вядома, ганьба для ФСБ, але ў Расеі пра гэта аддаюць перавагу не гаварыць гучна. Але я ведаю, што ў іх унутры ўсё кіпела і яны цяпер шукаюць актыўна забойцаў», – растлумачыў Іван Ступак.

Паводле словаў эксперта, Ківа нягледзячы на ягоную эксцэнтрычнасць, быў прынаднай мэтай для нашых спецслужбаў.

«Яму была адведзеная пэўная роля падчас пачатку поўнамаштабнага ўварвання. Ківа павінен быў забяспечваць сілавое прыкрыццё так званай СВА. Але ўсё пайшло не так, як яны планавалі», – кажа Ступак.

Наступным на канцэрт Кабзона, на думку эксперта, можа скіравацца Медзвядчук.

«Першы на вылет, як на мяне, той, хто не проста ўцёк, але і прадаўжае весці актыўную дэструкцыйную працу супраць нашай краіны. Я думаю, гэта пуцінскі кум Віктар Медзвядчук. Цяпер напружыўся не толькі ён, але і экс-кіраўнік СБУ (пры прэзідэнцтве Януковіча) Аляксандр Якіменка, і былы кіраўнік МУС Аляксандр Захарчанка. Усе яны са спісу ёсць, я думаю», – кажа Ступак.

Да гэтых здраднікаў, вядома, складана дацягнуцца, але нічога немагчымага няма, мяркуе эксперт.

«Думаю, што і прапагандыстам расейскім тыпу Салаўёва таксама варта задумацца пра свой лёс», – рэзюмаваў Іван Ступак.

Напісаць каментар 5

Таксама сачыце за акаўнтамі Charter97.org у сацыяльных сетках