Канадзец выправіў расейскага хакеіста ў накдаўн за падступны ўчынак на матчы КХЛ
3- 9.12.2023, 12:24
- 15,040
![Канадзец выправіў расейскага хакеіста ў накдаўн за падступны ўчынак на матчы КХЛ](https://i.c97.org/ai/574781/aux-head-1702113891-20231209_hokej_360.jpg)
Відэафакт.
Канадскі абаронца хакейнага клуба «Віцязь» з падмаскоўнай Балашыхі Джэрэмі Рой адзначыўся эфектным баксёрскім ударам у матчы Кантынентальнай хакейнай лігі (КХЛ) супраць ЦСКА. 26-гадовы нараджэнец Квебека выправіў у накдаўн расейскага нападника «армейцаў» Сяргея Плотнікава, паведамляе obozrevatel.com.
У канцы першай чвэрці пры ліку 2:0 на карысць ЦСКА расеец напаў на канадца, падступна стукнуўшы таго клюшкай, пасля чаго на лёдзе завязалася бойка. Рой здолеў скінуць шалом з апанента і данесці да яго твару некалькі якасных удараў.
![](https://i.c97.org/ai/574781/aux-1702113805-1.jpg)
Пасля таго як 16-ы нумар сталічнай каманды страціў раўнавагу і ўпаў, суддзі адразу спынілі імправізаваны баксёрскі паядынак. Паводле ягоных вынікаў Плотнікаў атрымаў 7 хвілінаў штрафу (5 за бойку і 2 за ўдар клюшкай), а Рой 5 хвілінаў за бойку.
![](https://i.c97.org/ai/574781/aux-1702113805-2.jpg)
«Віцязь» скарыстацца большасцю не здолеў, забіўшы свой першы і адзіны гол толькі на 30-й хвіліне. Матч закончыўся з лікам 4:1.
![](https://i.c97.org/ai/574781/aux-1702113805-3.jpg)