Кандыдат у прэм'еры Польшчы Туск прадставіў склад свайго ўраду
4- 8.12.2023, 19:23
- 7,756
![Кандыдат у прэм'еры Польшчы Туск прадставіў склад свайго ўраду](https://i.c97.org/ai/356909/aux-head-1574751853-20191126_tusk_t.jpg)
Новы Кабінет міністраў можа быць ухвалены Соймам у пачатку наступнага тыдня.
Кандыдат на пасаду прэм'ер-міністра Польшчы Дональд Туск сёння, 8 снежня, афіцыйна прадставіў склад свайго ўраду. Новы Кабінет міністраў можа быць ухвалены Соймам у пачатку наступнага тыдня.
Пра гэта паведамляе PAP.
Польскія парламентарыі на пасяджэнні 11 снежня будуць галасаваць датычна вотуму даверу ўраду Матэвуша Маравецкага. У выпадку не падтрымкі прадстаўнікі апазіцыі – «Грамадзянская кааліцыя», «Трэці шлях» і «Левыя» – вылучаць кандыдатуру Туска на пасаду прэм'ера.
Сёння былы прэзідэнт Еўрапейскай рады, прадстаўляючы кандыдатаў для сфармаванага ім ураду, практычна пацвердзіў раней агучаную прэсай інфармацыю, хто атрымае міністэрскія партфелі.
У склад ураду Туска ўвайшлі:
Уладзіслаў Касіняк-Камыш – намеснік прэм'ер-міністра, міністр нацыянальнай абароны;
Кшыштаф Гаўкоўскі – віцэ-прэм'ер, міністр лічбавізацыі;
Адам Боднар – міністр юстыцыі;
Радаслаў Сікорскі – міністр замежных справаў;
Адам Шлапка – міністр у справах Еўрапейскага Звязу;
Марцін Кервінскі – міністр унутраных справаў і адміністрацыі;
Томаш Сямоняк – каардынатар спецслужбаў;
Бартломей Сянкевіч – міністр культуры і нацыянальнай спадчыны;
Анджэй Даманьскі – міністр фінансаў;
Борыс Будка – міністр дзяржмаёмасці;
Славамір Нітрас – міністр спорту і турызму;
Барбара Навака – міністарка адукацыі;
Ізабэль Ляшчына – міністарка аховы здароўя;
Дарыюш Клімча – міністр інфраструктуры;
Кшыштаф Гетман – міністр развіцця і тэхналогій;
Чэслаў Сякерскі – міністр сельскай гаспадаркі і развіцця вёскі;
Паўліна Хеніг-Клоска – міністарка клімату і навакольнага асяроддзя;
Катажына Пелчыньска-Наленч – міністарка фінансаў і рэгіянальнай палітыкі;
Агнешка Дземяновіч-Бонк – міністарка сям'і і сацыяльнай палітыкі;
Дарыюш Вячорак – міністр навукі і вышэйшай адукацыі;
Мажэна Окла-Дрэўновіч, міністарка-чалец кабінета міністраў, міністарка найвышэйшай палітыкі;
Катажына Катула, міністарка-чалец кабінета міністраў, міністарка ў пытаннях раўнапраўя;
Агнешка Бучыньска, міністарка-чалец кабінета міністраў, міністарка ў справах грамадзянскай супольнасці;
Ян Грабец, міністр-чалец кабінета міністраў, кіраўнік канцылярыі прэм'ер-міністра;
Мацей Берэк, сакратар кабінета міністраў, прэзідэнт урадавага заканадаўчага цэнтра.