Маці двух няпоўнагадовых дзяцей выправілі на суткі.
8- 8.12.2023, 18:12
- 12,794
![Маці двух няпоўнагадовых дзяцей выправілі на суткі.](https://i.c97.org/ai/574709/aux-head-1702048327-20231208_n_alenina_360.jpeg)
Яе затрымалі пасля вяртання з Літвы.
Ніну Аленіну затрымалі ноччу ў сярэдзіне лістапада ў пункце пропуску «Беняконі» на мяжы з Літвой, паведамляюць праваабаронцы.
У яе тэлефоне супрацоўнікі мытні знайшлі падпіску на сайт, прызнаны «экстрэмісцкім». Жанчына на судзе прызнала сваю віну. Вядома, што Ніна выхоўвае двух няпоўнагадовых дзяцей.
Пры гэтым, паводле КаАП, адміністрацыйны арышт не можа ўжывацца да жанчынаў з няпоўнагадовымі дзецьмі. Іх нават не могуць затрымліваць больш за тры гадзіны. Але насуперак закону суд арыштаваў жанчыну на сем сутак з канфіскацыяй тэлефона.