У брытанскай выведцы растлумачылі, навошта Расея ўвесь час атакуе востраў Змяіны.
1- 8.12.2023, 17:31
- 15,928
![У брытанскай выведцы растлумачылі, навошта Расея ўвесь час атакуе востраў Змяіны.](https://i.c97.org/ai/504712/aux-head-1656661980-20220622_zmeiny1_360.jpg)
І расказалі пра збіццё расейскага знішчальніка-бамбавіка Су-24М.
З пачатку лета гэтага года Расея рэгулярна праводзіць рызыкоўныя аперацыі з удзелам экіпажу на востраў Змяіны, у брытанскай разведцы мяркуюць, што прычынай рэгулярных нападаў з'яўляецца тое, што востраў стаў «знакам украінскага супраціву».
Пра гэта гаворыцца ў справаздачы выведкі Мінабароны Брытаніі, апублікаванай у пятніцу, 8 снежня.
Выведнікі таксама мяркуюць, што краіна-агрэсарка сваімі атакамі хоча прадэманстраваць свой уплыў і кантроль у Чорным моры.
У справаздачы таксама прааналізавалі збіццё расейскага знішчальніка-бамбавіка Су-24М над паўночна-заходняй часткай Чорнага мора ў раёне Змяінага.
У брытанскай выведцы пацвердзілі, што, верагодней за ўсё, самалёт быў збіты ўкраінскай ракетай «зямля – паветра» (ЗРК).
У выніку знішчэння самалёта, верагодна, загінуў і ягоны экіпаж з двух чалавек, пры гэтым размяшчэнне і ўмовы аперацыі зрабілі пошукава-выратавальную місію «надзвычай складанай», мяркуюць выведнікі.
Паводле звестак справаздачы, абодва бакі ўсё яшчэ нясуць рэгулярныя страты ў баявой авіяцыі.
Увогуле, як мяркуе брытанская выведка, СПА прадаўжае істотна абмяжоўваць эфектыўнасць тактычнай авіяцыі.
Камандзір Паветраных сілаў Мікалай Аляшчук у аўторак, 5 снежня, паведаміў, што Паветраныя сілы УСУ ў раёне вострава Змяіны знішчылі расейскі бамбавік Су-24М, які спрабаваў атакаваць поўдзень Адэскай вобласці.
Паводле ягоных словаў, збіты расейскі Су-24М працаваў пад прыкрыццём знішчальніка Су-30СМ, каб нанесці ракетна-бомбавы ўдар.
Раней, у ліпені сёлета, кіраўніца Аб'яднанага каардынацыйнага прэс-цэнтра Сілаў абароны поўдня Украіны Наталля Гумянюк заяўляла, што войскі РФ наносяць удары з авіяцыі па востраве Змяіны для ціску на цывільнае суднаходства.
Востраў Змяіны на захадзе Чорнага мора быў вызвалены летам летась. 30 чэрвеня 2022-га пасля магутных удараў УСУ расейскія акупанты паспешна эвакуявалі рэшткі гарнізона і пакінулі востраў.