Пуцін абвясціў аб сваім удзеле ў «выбарах»
42- 8.12.2023, 14:22
- 17,244
![Пуцін абвясціў аб сваім удзеле ў «выбарах»](https://i.c97.org/ai/557959/aux-head-1690804231-230730_pucin_360.jpeg)
На просьбу аднаго з верхаводаў тэрарыстаў "ДНР".
Прэзідэнт Расеі Уладзімір Пуцін абвясціў, што будзе ўдзельнічаць у прэзідэнцкіх выбарах у 2024 годзе, паведамілі ўдзельнікі цырымоніі ў Крамлі, піша ТАСС.
"Пуцін вылучыўся на новы прэзідэнцкі тэрмін", – удакладніў карэспандэнт «Коммерсанта» Андрэй Калеснікаў.
Ён паведаміў, што Пуцін абвясціў аб “вылучэнні” на просьбе Арцёма Жогі – “камандзіра” данецкага сепаратысцкага батальёна “Спарта” і бацькі аднаго з верхавода тэрарыстаў “ДНР” Уладзіміра Жогі.
Пра "вылучэнне" Пуцін паведаміў пасля ўручэння ўдзельнікам вайны Расеі супраць Украіны ордэнаў "Залатая зорка" ў Георгіеўскай зале Крамля, што прыняў пастанову балатавацца ў прэзідэнты ў 2024 годзе.
Нагадаем, Цэнтральная выбарчая камісія Расеі афіцыйна зацвердзіла трохдзённае галасаванне на прэзідэнцкіх выбарах у РФ. Яны пройдуць 15, 16 і 17 сакавіка 2024 года.
Пуцін дагэтуль адмаўляўся адказваць на пытанне аб удзеле ў іх. Ранейшыя прэзідэнцкія тэрміны Пуціна "абнулілі" папраўкамі ў Канстытуцыю.