Пасля відэа з трэмарам галавы сталі вядомыя афіцыйныя дыягназы Лукашэнкі
62- 7.12.2023, 15:23
- 67,628
![Пасля відэа з трэмарам галавы сталі вядомыя афіцыйныя дыягназы Лукашэнкі](https://i.c97.org/ai/437154/aux-head-1631730103-luka360.gif)
Дыктатара тэрмінова дастаўлялі ў лякарню ўначы.
Здароўе Лукашэнкі зноў стала папулярнай тэмай для абмеркавання. На гэты раз праз з'яўленне дыктатара перад камерай з прыкметным трэмарам галавы. Узніклі каментары і медыцынскія высновы аб гэтым пытанні.
Рэдакцыя тэлеграм-канала "Белыя халаты" сабрала ўсю інфармацыю аб здароўі дыктатара:
- Назіраецца і лечыцца Аляксандр Лукашэнка ў ДУ "Рэспубліканскі клінічны медыцынскі цэнтр" управы справамі Лукашэнкі, часта яе называюць "Лечкамісіяй". Пры гэтым у яго асабісты лекар і медсястра, часам да пацыента прывозяць лекараў з РНПЦ траўматалогіі, а таксама з Масквы.
- Ніякіх электронных запісаў гісторыі хваробы не вядзецца, усе высновы выдаюцца ў адзіным экзэмпляры, і ў базе лякарні не захоўваюцца, блізу года таму быў узлом базы звестак “Лечкамісіі”, і ніякіх медыцынскіх звестак пра Лукашэнку не знайшлі, акрамя даведкі пра ковід, дакладнасць якой сумнеўная.
- Перад візітам у лякарні працуе асабістая служба бяспекі, якая правярае ўсё, пачынаючы ад асоб персаналу на змене. Журналістам вядома пра як мінімум два выпадкі, калі да медработнікаў выкарыстоўвалі фізічную сілу (білі).
З дыягназаў вядома няшмат:
- Парушэнне тлушчавага абмену III ступені (атлусценне);
- Цукровы дыябет, ампутацыя пальца ступні ў сувязі з ускладненнямі. Дыету пацыент не выконвае, хоць алкаголь не ўжывае зусім;
- Мочакаменная хвароба. У 2018 годзе быў эпізод нырачнай колікі, калі Лукашэнку даставілі ў шпіталь уночы, тэрмінова і ўстанавілі эндаскапічна стэнт у мачаточнік. Аперацыя прайшла з ускладненнямі;
- Артроз левага каленнага сустава, двойчы аперыраваны - артраскапія (у пачатку 2000-х і ў раёне 2010 года).