У Варонежскай вобласці РФ фура пратараніла калону Расгвардыі
5- 4.12.2023, 18:15
- 9,514
![У Варонежскай вобласці РФ фура пратараніла калону Расгвардыі](https://i.c97.org/ai/574132/aux-head-1701702615-20231204_dtp_fura_360.jpg)
Ёсць загінулы і параненыя.
У Расеі фура пратараніла калону аўтобусаў Расгвардыі: грузавік на поўнай хуткасці ўляцеў у прыпаркаваныя на збочыне дарогі машыны расейскіх сілавікоў. Аварыя адбылася ў Варонежскай вобласці. Расейскія інфармацыйныя агенцтвы паведамляюць, што на гэты момант дакладна вядома пра аднаго загінулага, як мінімум пяцёра расгвардзейцаў атрымалі раненні.
Аварыя патрапіла на камеру. Фрагмент відэа публікуе Тэлеграм-канал «Украіна 365».
Паводле інфармацыі, якая паступае, кіроўца фуры перавысіў хуткасць на фоне неспрыяльных умоваў надвор'я, а таксама не змог узяць да ўвагі габарытаў фуры, пасля чаго не справіўся з кіраваннем і рэзнуўся ў калону Расгвардыі, у якой былі тры аўтобусы, тры грузавыя «Уралы» і дзве машыны суправаджэння.
Загінуў пасажыр фуры, яе кіроўца таксама атрымаў пашкоджанне.
![](https://i.c97.org/ai/574132/aux-1701702522-2023-12-04 16.07.37.jpg)
![](https://i.c97.org/ai/574132/aux-1701702522-2023-12-04 16.07.47.jpg)