Беларускі трактарыст шакаваў сваім разлікам заробку Tik Tok
48- 4.12.2023, 22:12
- 44,410
![Беларускі трактарыст шакаваў сваім разлікам заробку Tik Tok](https://i.c97.org/ai/574092/aux-head-1701685834-20231204_traktar_zima_360.jpeg)
«Скажыце, калі ласка, як на такія грошы можна пражыць месяц?»
Трактарыст-машыніст паказаў у Tik Tok свой разліковы лісток за кастрычнік. Ён паскардзіўся, што атрымаў на рукі ўсяго 254 рублі (77$). «Скажыце, калі ласка, як на такія грошы можна пражыць месяц?»
![](https://i.c97.org/ai/574092/aux-1701685665--3advu.jpg.jpeg)
Мужчына працуе паводле дамовы падраду ў адным з сельгаспрадпрыемстваў Рагачоўскага раёна, піша nashaniva.com. У кастрычніку ў яго было 20 працоўных дзён, і працы ў яго сапраўды ставала. Ён тлумачыць, што пункт «сальда мінулага месяца 324,75» азначае заробак за мінулы месяц (тады ў мужчыны было ўсяго 8 працоўных дзён). «Аплата згодна з расцэнкамі, у нас проста эканаміст добры», - удакладніў мужчына і дадаў, што яму заплацілі толькі за адзін від працы, а за іншыя - не.
@kondrat01 хорошая зарплата
♬ Засыпай с мечтой, просыпайся с целью - Руслан Черный
Трэба ўлічыць, што 136 рублёў у яго знялі яшчэ за харчаванне. Але нават з імі выніковая сума зусім невялікая.
Трэба адзначыць, што падтрымкі і спагады трактарыст ад падпісчыкаў амаль не атрымаў. Яго спрабавалі павучаць ці супакоіць: «Паверце, ёсць яшчэ менш».
Адзначыліся ў каментарах і іншыя аграрыі, якія паведамілі, што ў іх такая ж сітуацыя. Хтосьці сумна пажартаваў: «Не, у тэлевізары кажуць 2500». «Ага, толькі дзе?» - пытае аўтар відэа.