ЗША прыстрашылі Іран
3- 4.12.2023, 9:30
- 6,836
![ЗША прыстрашылі Іран](https://i.c97.org/ai/416950/aux-head-1617214078-20210331_orel_usa_360.gif)
Напад на камерцыйныя судны ў Чырвоным моры адбыўся пры падтрымцы Тэгерана.
Напад на камерцыйныя судны ў Чырвоным моры быў учынены пры падтрымцы Ірана і Штаты разгледзяць «усе адпаведныя захады ў адказ», заявіла Цэнтральнае камандаванне ўзброеных сіл ЗША.
У заяве камандавання ў Х сказанае, што гэтыя напады ўяўляюць сабой наўпроставую пагрозу міжнароднаму гандлю і марской бяспецы.
Камандаванне падкрэсліла, што атакі паставілі пад пагрозу жыццё міжнародных экіпажаў, якія прадстаўляюць некалькі краін свету і ёсць усе падставы меркаваць, што гэтыя атакі, хоць і ўчыненыя хусітамі ў Емене, цалкам арганізаваныя Іранам.
Злучаныя Штаты разгледзяць усе адпаведныя захады ў адказ у поўнай каардынацыі са сваімі міжнароднымі хаўруснікамі і партнёрамі.
3 снежня амерыканскі вайсковы карабель і некалькі камерцыйных суднаў зазналі напад у Чырвоным моры.
У Мінабароны ЗША пацвердзілі, што напад зазналі вайсковы карабель Carney.
Хусіты ўзялі на сябе адказнасць за атаку.
У ваенізаванай групоўкі хусітаў ёсць цесныя сувязі з лібанскай Хезбалой. Таксама яна падтрымліваецца Іранам.