Да -16°С прагназуюць у Беларусі 4 снежня
11- 3.12.2023, 23:27
- 8,414
![Да -16°С прагназуюць у Беларусі 4 снежня](https://i.c97.org/ai/280435/aux-head-1519284510-201802222_zima_t.jpg)
На большай частцы тэрыторыі краіны пройдзе снег.
Галалёд і да мінус 16 градусаў прагназуюць у Беларусі 4 снежня, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У панядзелак будзе пахмурна з праясненнямі. На большай частцы тэрыторыі краіны пройдзе снег. Уначы і раніцай месцамі слабыя туман і галалёд. Вецер паўднёва-заходні, заходні ўмераны, удзень месцамі парывісты.
Тэмпература паветра ўначы будзе ад мінус 4 па паўднёвым захадзе да мінус 12 па паўночным усходзе, пры праясненнях – да 16 градусаў марозу. Удзень чакаецца мінус 2-8 градусаў.