У Гародні гарэў будынак былога ваеннага гарадка

Агонь ахапіў 200 квадратных метраў.

Учора ўвечары, 26 лістапада, у 18:23 гарадзенскім ратавальнікам паступіла паведамленне, што ў мікрараёне Фолюш у абласным цэнтры гарыць неэксплуатаваны будынак.

Пажарныя разлікі прыбылі да месца пажару ў былым ваенным гарадку і вызначылі, што агонь ахапіў 200 квадратных метраў, паведамілі ў Гарадзенскім АУМНС.

У 20.04 пажар ліквідаваны. Прычыну надзвычайнага здарэння трэба вызначыць спецыялістам.