Расейскіх спартоўцаў кормяць прусакамі

Чэмпіёнка паказала «цудоўную» вячэру ў сталоўцы нацыянальнай каманды РФ.

Расейская лёгкаатлетка Паліна Кнароз падзялілася цікавым відэа са сталоўкі нацыянальнай каманды Расеі.

У талерцы Паліны ў ежы апынуўся прусак. Пра гэта паведамляе Sports.ru.

«Наша цудоўная вячэра на федэральнай базе ў НТЦ “Навагорск”», – падпісала відэа спартоўка.

Кнароз цяпер знаходзіцца на трэніровачным зборы ў навучальна-трэніровачным цэнтры (НТЦ) у падмаскоўным Навагорску. У сталоўцы на вячэру спартоўцам выдалі смажаную бульбу, селядзец і салёныя агурочкі.

«Рызынкай» вячэры стаў прусак у талерцы чэмпіёнкі.

У сеціве адзначылі, што расейскія спартоўцы ядуць відавочна нездаровую ежу, а прусак – не самая вялікая праблема ў талерцы.