Менскае «Дынама» перамагло ў чэмпіянаце Беларусі ў футболе

Мінулае золата было 19 гадоў таму.

Футбалісты менскага "Дынама" сталі чэмпіёнамі Беларусі. Яны здабылі залатыя медалі ўпершыню за 19 гадоў — апошні раз клуб быў першым у 2004 годзе.

"Дынама" забяспечыла сабе чэмпіёнства за тур да канца першынства. Сёння, 26 лістапада, менская каманда перамагла на выездзе бабруйскую "Белшыну" (4:0) і стала недасягальнай для пераследніка, паведамляе football.by.

Гарадзенскі «Нёман», які доўга вёў за дынамаўцамі пагоню, здабыў срэбныя медалі. Што да бронзы, то на яе па-ранейшаму прэтэндуюць жодзінскае "Тарпеда-БЕЛАЗ", "Іслач" (Менская вобласць) і барысаўскі БАТЭ.

Апошні тур пройдзе 2 снежня.

У 2020-м і 2021-м золата здабываў салігорскі "Шахцёр". У мінулым чэмпіянаце краіны гэты клуб таксама фінішаваў першым, але пазней за арганізацыю дамоўных матчаў і неправамернае фінансавае стымуляванне быў не толькі пазбаўлены тытула, але і за адным скрыпам 35 балаў у цяперашнім першынстве.