Еўрапейскі клуб зарабіў на продажы піва больш, чым на трансферы футбалістаў

На піве і грамадскім харчаванні клуб зарабіў не менш за 6 мільёнаў еўраў.

Гадавыя паказнікі ФК «Твэнтэ» (Энсхедэ), які выступае ў найвышэйшым дывізіёне Нідэрландаў, паказалі, што клуб атрымаў чысты прыбытак пяць мільёнаў еўраў. Прыбыткі ад грамадскага харчавання таксама рэзка выраслі і дасягнулі звароту не менш як 10,5 мільёна еўраў, піша Twente Insite.

Трансферы Вацлава Чорнага, Джэйдэна Остэрвалдэ і Каспера Старынга прынеслі 6442000 еўраў. Калі адмінусаваць выдаткі, сярод іншага, на амартызацыю камісій і іншыя патрэбы, то чысты прыбытак ад трансфераў складзе 3751000.

Што тычыцца грамадскага харчавання, тут «Твэнтэ» дасягнуў звароту 10,5 мільёнаў еўраў, але з гэтага яшчэ трэба адняць выдаткі на закупкі і заробак персаналу. Паводле словаў журналіста Тома Кніпінга, гэтыя выдаткі блізу 4,5 мільёнаў еўраў.

Калі адняць гэта з звроту, то прыбытак на піве і грамадскім харчаванні складзе не менш за 6 мільёнаў еўраў.

Гэта прыводзіць да дзіўнай высновы, што «Твэнтэ» зарабляе больш грошай ад прыбытку ад грамадскага харчавання, чым ад трансферных прыбыткаў. Паводле словаў журналіста Тома Кніпінга, гэта вельмі характэрна.

«Дзіўна, што "Твэнтэ" зарабляе больш грошай на піве, чым на гульцах. Я не бачу нідзе ў Еўропе, каб клуб зарабляў на піве больш, чым на футбалістах», – вынікуе ён.

У цяперашнім чэмпіянаце «Твэнтэ» ідзе на 3-м месцы, наперадзе толькі ПСВ і «Феенаорд».

У рэйтынгу футбольных лігаў чэмпіянат Нідэрландаў, паводле звестак УЕФА, на пятым месцы.