Як нельга размарожваць шкло аўтамабіля: Аўтаэксперты здзіўленыя метадамі

Ёсць метады, якія сапраўды не варта выкарыстоўваць, калі хочаце, каб шкло засталося цэлым.

Размарозіць лабавое шкло, калі вы спяшаецеся на працу – цяжкая задача. Аўтамабільныя эксперты папярэджваюць, што ёсць метады, якія вы ніколі не павінны рабіць з разаграваннем аўтамабіля, незалежна ад таго, наколькі спяшаецеся.

Эксперты для Mirror падзяліліся, што кіроўцы вельмі часта цікавяцца метадам, як разагрэць лабавое шкло з дапамогай гарачай вады. Дасведчаныя аўтамабілісты папярэджваюць, што такі спосаб вельмі небяспечны, бо калі на шкле ёсць невялікія сколы ці расколіны, тады аўто можа застацца ўвогуле без шкла.

Спецыялісты таксама папярэдзілі, што не варта забывацца пра размарожванне задніх і бакавых люстэркаў, а не засяроджвацца «выключна на лабавым шкле».

Калі дзверы аўтамабіля змерзлі, то не варта цягнуць за ручку, паколькі можна толькі пашкодзіць унутраныя дэталі дзвярэй. Замест гэтага адмыслоўцы рэкамендуюць развеяць паміж дзвярамі і панэлямі тонкі пласт з дапамогай адмысловага спрэю ад лёду. Трэба пачакаць крыху, а потым паспрабаваць адчыніць дзверы зноў.

Каб унікнуць гэтай праблемы ў будучыні, эксперты рэкамендуюць нанесці тонкі пласт вазеліну на ўшчыльняльнікі дзвярэй аўтамабіля, бо гэта прадухіліць утварэнне лёду.

Эксперты таксама падзяліліся, што вы не павінны выкарыстоўваць дворнікі, каб паспрабаваць ачысціць лабавое шкло, бо гэта можа зрабіць іх менш эфектыўнымі падчас моцнага дажджу ці снегу. Варта выкарыстоўваць дворнікі толькі пасля таго, як вы ачысцілі лёд.

Таксама спецыялісты адзначылі, што дадаванне антыфрызу ў бачок абмывальніка лабавога шкла можа не развязаць вашыя праблемы, паколькі гэта каразійны раствор і можа раз'есці металічныя кампаненты бачка абмывальніка ветравога шкла, уключаючы помпу і ўшчыльненне.