Відэафакт: Два кіроўцы надумалі памахаць кулакамі пасярод Менска

Хто каму не саступіў дарогу?

Дарожны канфлікт, які, відаць, перарос у кулачны бой, трапіў на відэа чытача «Онлайнера». Запіс зроблены ў Менску на скрыжаванні вул. Шаранговіча і Якубоўскага. Што стала прычынай адкрытага супраціву, дакладна невядома. Бачны толькі вынік.

- Здаецца, усё банальна: адзін не саступіў іншаму дарогу. Наколькі я зразумеў, шэры аўтамабіль не змог перабудавацца ў паласу, дзе ехаў кіроўца цёмнага аўтамабіля - той яго проста не пусціў, - каментуе ролік аўтар запісу.