У Расеі прызналі ўцёкі лётчыка, які выкраў Мі-8

На яго зараз нібы вядзе паляванне ГРУ.

Расейскія прапагандысты змайстравалі сюжэт пра лётчыка Максіма Кузьмінава, які ў жніўні перагнаў ва Украіну гелікаптэр Мі-8. Пілота нібыта загадалі ліквідаваць, піша unian.net.

Сюжэт выйшаў на расейскім прапагандысцкім тэлеканале «Расія 1». У роліку карэспандэнт УДТРК Сяргей Зенін распавёў, што нібыта спецназ ГРУ Мінабароны Расеі атрымалі загад ліквідаваць Кузьмінава. Пры гэтым у кадры бачна чатыры невядомыя чалавекі, адзетыя ў форму. Адзін з мужчын кажа, што пілота знойдуць і пакараюць «згодна з усёй строгасцю закону нашай дзяржавы за здраду», а другі дадаў, што ён «да суда не дажыве».

Акрамя таго, прапагандыст заявіў, што Кузьмінаў «забыўся гісторыю сваёй краіны, свайго народа, здзекаваўся з памяці продкаў, напляваў на памяць свайго дзеда, заслужанага лётчыка Савецкага Саюза» і называе яго «здраднікам Радзімы», «здыхлятнікам» і «прадажнай пачварай».