Украінская выведка пракаментавала атаку БЛА на авіязавод, дзе выраблялі ракеты Х-59.

«Ён стаміўся».

З прычыны атакі дронаў на Смаленскі авіяцыйны завод для вырабу варожых ракет Х-59 была пашкоджаная вытворчая база, дзеля чаго парушаныя тэмпы вытворчасці.

Пра гэта паведаміў прадстаўнік Галоўнай управы выведкі Мінабароны Украіны Андрэй Юсаў, піша New Voice.

«Ён стаміўся. Як і шмат усякіх іншых аб'ектаў, якія выкарыстоўваюцца рашыстамі для агрэсіі супраць Украіны. У гэтай сітуацыі размова ідзе аб прадпрыемстве, якое выкарыстоўваецца ў вырабе розных мадыфікацый ракет Х-59»,— падкрэсліў ён.

Юсаў адмовіўся каментаваць, "што прыляцела і адкуль". Аднак ён адзначыў, што на заводзе выраблялі менавіта тыя ракеты, якія перш за ўсё выпускаюцца па цывільных аб'ектах і забіраюць жыццё цывільных жыхароў і ўкраінскіх вайскоўцаў.

«Так, пашкоджаная вытворчая база, парушаны тэмпы вытворчасці, і гэта сур'ёзныя праблемы пацягнула да агрэсара. Такі факт пацвярджаем, і надалей такая практыка будзе працягвацца», — падкрэсліў прадстаўнік ГУВ.

Раней у ГУР заявілі, што 1 кастрычніка ўдарныя дроны атакавалі Смаленскі авіяцыйны завод, дзе выраблялі расейскія ракеты Х-59.