Плынь мігрантаў у Расею ўпала на фоне вярбоўкі на вайну і падзенні рубля

Прыязджаць на працу ў РФ сталі менш з усіх краін СНД, акрамя Таджыкістана.

Расея страчвае прывабнасць для працоўнай міграцыі праз вайну ва Украіне і слабы рубель: за першыя шэсць месяцаў 2023 гады ў краіну заехала на 50 тысяч менш мігрантаў, чым за той жа перыяд мінулага года, піша The Moscow Times.

Усяго ў Расеі было зарэгістравана доўгатэрміновае прыбыццё (рэгістрацыя ў краіне - ад дзевяці месяцаў) 282 тысяч чалавек супраць 333 тысяч у 2022 годзе, гаворыцца ў даследаванні Інстытута Гайдара, вынікі якога публікуюць «Известия».

Прыязджаць на працу ў Расею сталі менш з усіх краін СНД, акрамя Таджыкістана, плынь з якога вырасла амаль на 4 тысяч чалавек.

Агулам міграцыйны прырост (розніца паміж колькасцю тых, хто прыехаў і з'ехаў) у першым паўгоддзі склала 79 тысяч чалавек. Нават падчас пандэміі каранавіруса ён быў на ўзроўні 100 тысяч, заўважае навуковы супрацоўнік міжнароднай лабараторыі палітычнай дэмаграфіі і макрасацыялагічнай дынамікі Інстытута Гайдара Ігар Яфрэмаў.

Рэзка знізілася і колькасць першасна выдадзеных замежнікам дазволаў на часовае пражыванне ў Расеі - да 43 тысяч супраць 93 тысяч годам раней. Колькасць першасна аформленых дазволаў на жыхарства ў Расеі ўпала са 142 тысяч да 130 тысяч.

Скарачэнне прытоку мігрантаў пагаршае дэфіцыт кадраў у будаўніцтве, лагістыцы, грамадскім харчаванні і ЖКГ, кажа галоўны экспэрт рынку працы, кіраўнік кірунку кліенцкай эфектыўнасці hh.ru Наталля Даніна.

«Магчыма, мы ўбачым захаванне трэнду на скарачэнне мігрантаў і ў другім паўгоддзі. Прычына - у зніжэнні курсу рубля да асноўных сусветных валют, што пацягнула і скарачэнне рэальных даходаў замежных работнікаў пры канвертацыі грашовых пераводаў, якія адпраўляюцца на радзіму», - адзначае Даніна.

З пачатку 2022 даляр падаражэў з 67 рубля да амаль 100 рублёў. На гэты момант ён прадаецца ў дыяпазоне 96-97 руб.

Таксама сітуацыю пагаршаюць рэйды паліцыянтаў, якія шукаюць у рэгіёнах мігрантаў, якія атрымалі расейскае грамадзянства, каб паставіць іх на вайсковы ўлік або прызваць у войска. У жніўні хваля рэйдаў пракацілася ад Сібіры і Урала да Масквы і Санкт-Пецярбурга. Найбольшую колькасць мігрантаў сілавікі павезлі ў ваенкамат у Пецярбургу - больш за 100 чалавек. Пры гэтым у шматлікіх затрыманых мелася другое грамадзянства краіны паходжання.

Кіраўнік узбекскай дыяспары Масквы Бахром Ісмаілаў раней папярэджваў, што ў існых умовах Раскю можа пакінуць кожны трэці працоўны мігрант.