Барэль: ЕЗ рыхтуе доўгатэрміновыя абавязанні ў гарантаванні бяспекі Украіны

Ён падкрэсліў, што Украіна мае патрэбу ў дадатковых магчымасцях і мае патрэбу ў іх хутчэй.

Кіраўнік замежнапалітычнага ведамства ЕЗ Жазэп Барэль заявіў, што Кіеў мае патрэбу ў дадатковай вайсковай дапамозе, і абяцаў пастаянную падтрымку Еўразвязу, піша «Уніян».

- Украіна мае патрэбу ў дадатковых магчымасцях і мае патрэбу ў іх хутчэй, - заявіў ён.

Барэль расказаў, што падчас першай асабістай сустрэчы з міністрам абароны Украіны Рустэмам Умеравым ён абмеркаваў пастаянную вайсковую дапамогу з боку ЕЗ.

- Мы рыхтуем доўгатэрміновыя абавязанні ў гарантаванні бяспекі Украіны, - адзначыў Барэль.

Умераў у сваю чаргу ўдакладніў, што падчас перамоў абмяркоўвалася пытанне вайсковай дапамогі ЕЗ Украіне былі закранутыя "артылерыя і боепрыпасы, СПА, РЭБ (сродкі радыёэлектроннай барацьбы) і праграмы доўгатэрміновай дапамогі, трэнінгі і лакалізацыя абароннай прамысловасці" ва Украіне.

Візіт Барэля ва Украіну

30 верасня Жазэп Барэль прыбыў у Адэсу з неабвешчаным візітам, а сёння ён знаходзіцца ў Кіеве.

Барэль ужо сустрэўся з прэзідэнтам Украіны Уладзімірам Зяленскім і міністрам замежных спраў Украіны Дзмітрыем Кулебам. Палітыкі ўшанавалі памяць украінскіх абаронцаў, якія загінулі ў вайне супраць РФ.