Правілы этыкету: Як паводзіць сябе на канцэртах, каб не выглядаць дзіваком

Ці можна здымаць гледачоў і кідаць рэчы на сцэну?

Гэты дзень настаў – вы ідзяце на канцэрт улюбёнага выканаўцы. Эйфарыю моманту могуць сапсаваць хіба што нявыхаваныя гледачы, якія сваімі паводзінамі толькі паказваюць адсутнасць элементарнай культуры паводзінаў.

Атрымліваючы асалоду ад моманту, не варта забывацца, што вакол вас таксама людзі і яны таксама хочуць адпачыць. Як паводзіць сябе на канцэртах і ці можна кідаць рэчы на сцэну, расказала выданне Insider.

Ці можна кідаць рэчы на сцэну

Жывая музыка стварае ўнікальную атмасферу. На канцэрце вы знаходзіцеся ў натоўпе людзей, якія падзяляюць вашыя інтарэсы. Але каб падзяліць масавае захапленне, трэба паводзіць сябе належным чынам. Вы павінны праявіць павагу, падтрымку і проста элементарную чалавечую прыстойнасць.

Так што перастаньце кідаць рэчы на сцэну. Гэта правіла, на жаль, некаторым гледачам яго варта стала нагадваць. Ёсць правільны спосаб камунікаваць з вашым улюбёным артыстам. Ніколі не варта кідаць на сцэну што-небудзь цяжкае ці патэнцыйна небяспечнае.

Нават прадмет, які здаецца бясшкодным, напрыклад кветкі ці плюшавы мішка, можа напалохаць чалавека, які засяроджаны на спеве, танцах ці ігры на інструменце. Выканаўцы заслугоўваюць адчування бяспекі і павагі.

Падпяваць – а не гарлаць

Падпяванне з'яўляецца неад'емнай часткай канцэрту, і ў патрэбныя моманты можна і пакрычаць. На драйвовых прыпевах можна павісіць тон, але гарлаць падчас выканання рамантычнай балады будзе крыху лішнім.

Маўклівы слухач

Можна паспрачацца, што горш: апынуцца побач з шумным фанатам або стаяць побач з маўклівай статуяй, якой, здаецца, увогуле абыякава тое, што там адбываецца на сцэне. Падчас драйвовай музыкі можна і трэба танчыць з натоўпам.

Атмасфера публікі можа сапсаваць уражанне ад канцэрту. Пайсці паглядзець на свайго ўлюбёнага выканаўцу і апынуцца ў асяроддзі людзей, якія стаяць на месцы і адмаўляюцца танцаваць і насалоджвацца музыкай – не надта прыемная сітуацыя як для гледача, так і для выканаўцы.

Шыльды, плакаты, аб'явы

Не закрывайце агляд масіўнымі плакатамі. Калі вы апынуліся ў першых шэрагах, не варта браць з сабой гэтыя прадметы творчасці. Выканаўцы, магчыма, не заўважаць вашых спробаў звярнуць увагу, аднак іншым гледачам вы дакладна будзеце замінаць. Падняць плакаты можна падчас паўзы паміж выступамі, але не ў момант выканання песняў.

Правілы дрэс-коду

Стыльны гарнітур можа быць цікавым спосабам адзначыць творчасць артыста, паказаць сваю крэатыўнасць і адчуць дачыненне да супольнасці прыхільнікаў. Аднак не варта прыбірацца ў занадта адкрытае ці правакацыйнае адзенне. Гэта будзе проста адрываць увагу.

Здымка гледачоў

Хочаце захаваць момант на відэа – здымайце, але сцэну, а не гледачоў. Кожны мае права на асабістую прастору і канфідэнцыйнасць. Дазвольце іншым атрымліваць асалоду ад музыкі, не думаючы, што які-небудзь дзівак можа зараз іх здымаць на тэлефон.