Лукашысцкая прапагандыстка паспрабавала ўручыць позвы і паразмаўляць з прызыўнікамі, але нешта пайшло не так

Беларусы былі не радыя візіту лукашысткі.

Вядоўца дзяржтэлеканала СТВ надумала апавесці, якія змены чакаюць набраных у войска на медкамісіі і паспрабавала ўручыць позвы і пагаварыць з прызыўнікамі. Здаецца, і тое, і другое атрымалася не вельмі, піша «Люстэрка».

На пачатку сюжэту вядоўца СТВ Ілона Валынец з позвай у руках бадзёрым голасам заявіла, што надумала дапамагчы ваенкаматам з дастаўкай. «Узрадаваўшыся, што малады чалавек дома, спяшаемся з ім пазнаёміцца», – апісвае свой досвед Валынец. Вось толькі хлопец здымачнай групе СТВ быў не рады.

– Добры дзень! У мяне для вас важная задача. Гэта позва ў ваенкамат, – з усмешкай працягвае супрацоўніца СТВ паперу суразмоўцу. – Чакалі?

– Да пабачэння, – кажа хлопец і адразу ж зачыняе дзверы.

– Пачакайце! – толькі і паспявае сказаць дзвярам Валынец.

Далей поспех вядоўцы СТВ перастаў усміхацца зусім: адрасатаў позваў не было дома, і яна проста расклала позвы па паштовых скрынях.

Акрамя таго супрацоўніца тэлеканала расказала і пра новаўвядзенні, якія закрануць прызыўнікоў у выніку скарэктаваных патрабаванняў да стану іх здароўя. Паводле словаў вядоўцы, яны закрануць і кантрактнікаў, і тэрміновую службу, і рэзервістаў. Іншых дэталяў у сюжэце СТВ не раскрываецца.

Затое супрацоўніца тэлеканала ажыццявіла задуманы план і ў канцы сюжэту ўсё ж такі ўручыла позву з найшырэйшай усмешкай на твары. А вось адрасат, студэнт БДУІР Кірыл, да яе з'яўлення відавочна паставіўся насцярожана.