7 снежня 2022, Серада, 13:37
Сім сім, Хартыя 97!
Рубрыкі

Мікалая Аўтуховіча ўтрымліваюць у нечалавечых умовах

4
Мікалая Аўтуховіча ўтрымліваюць у нечалавечых умовах
МІКАЛАЙ АЎТУХОВІЧ

На палітвязня цісне адміністрацыя турмы.

Чым бліжэй заканчэнне суда над Мікалаем Аўтуховічам і іншымі фігурантамі справы, з якіх спрабуюць зляпіць «групу», тым мацней ціснуць на ўдзельнікаў працэсу і асабліва на яго асабіста.

У мінулы панядзелак, 19 верасня, стала вядома, што Мікалая Аўтуховіча адправілі ў карцэр на 10 дзён.

Пра гэта піша  ягоная дачка Кацярына ў «Фэйсбуку»:

- Прычына спагнання - у яго сукамерніка знайшлі забаронены прадмет у дзень дзяжурства Мікалая. Таксама з панядзелка ў карцэры знаходзіцца Уладзімір Гундар.

Учора стала вядома, што Мікалая 29 верасня з карцэра не выпусцяць, бо чакаюцца новыя спагнанні. На колькі падоўжаць утрыманне ў карцэры - невядома. Гэта значыць, што адміністрацыя турмы пакідае чалавека без лістоў нават ад сваёй маці, без пасылак, перадач і магчымасці набыць неабходнае ў турэмнай краме (нават пітную ваду), без шпацыраў.

Адміністрацыя спецыяльна ўскладняе знаходжанне бацькі ў турме да вынясення прысуду.

На самім працэсе Мікалай утрымоўваецца ў клетцы плошчай блізу 1 м², пасяджэнні праходзяць да 18, часам да 19 вечара. У выніку ўдзельнікі працэсу часам застаюцца без вячэры.

Такія ўмовы нельга назваць інакш, як катаваннямі. Нядаўна суд перавялі ў закрыты рэжым, адвакаты цяпер нават родным не могуць нічога расказваць аб ходзе працэсу.

Адзінае, што мы ведаем пра Мікалая - ён трымаецца і пераносіць усе гэтыя выпрабаванні з дзіўнай устойлівасцю і з годнасцю.

Чарговы раз спрабуем дагрукацца да беларускіх і замежных праваабаронцаў. Мікалай Аўтуховіч і ўсе, хто праходзіць паводле ягонай справы, павінны быць прызнаныя палітвязнямі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».