7 снежня 2022, Серада, 10:04
Сім сім, Хартыя 97!
Рубрыкі

Магутны ўраган «Фіёна» абрынуўся на ўсходняе ўзбярэжжа Канады

2
Магутны ўраган «Фіёна» абрынуўся на ўсходняе ўзбярэжжа Канады

Са слоў метэаролагаў, гэта адзін з наймацнейшых ураганаў у гісторыі краіны.

Магутны ўраган "Фіёна" абрынуўся ў суботу, 24 верасня, на ўсходняе ўзбярэжжа Канады, прынёсшы з сабой моцны вецер і проліўні і выклікаўшы перабоі з электрычнасцю. Нацыянальны цэнтр ЗША ў назіранні за ўраганамі (NHC) паведаміў, што "Фіёна" дасягнуў заліва Святога Лаўрэнція, піша dw.com.

Стыхія пранеслася над канадскімі правінцыямі Новая Шатландыя і Востраў Прынца Эдуарда, а затым ударыла па Ньюфаўндленду, аднак, са звестак NHC, сіла ўрагану, магчыма, слабее. Метэаролагі мяркуюць, што гэта адзін з самых магутных ураганаў у гісторыі краіны. Інфармацыі аб пацярпелых пакуль не паступала.

Прыкладна тыдзень таму разбуральны ўраган "Фіёна" абрынуўся на Пуэрта-Рыка і іншыя краіны Карыбскага басейна. У пятніцу ўвечар ён трансфармаваўся ў пост-трапічны цыклон.

Сотні тысяч людзей засталіся без святла

У выніку разгулу стыхіі ў правінцыі Новая Шатландыя блізу 79% спажыўцоў, ці 414 тысяч чалавек, засталіся без электрычнасці, у правінцыі Востраў Прынца Эдуарда – 95%, ці 82 тысячы, піша Reuters са спасылкай на звесткі камунальных кампаній.

Канадскія ўлады папярэдзілі жыхароў гэтых рэгіёнаў аб магчымасці моцных паводак. Людзям у прыбярэжных раёнах было рэкамендавана эвакуавацца.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».