WSJ: Заходнюю тэхніку УСУ рамантуюць праз мэсэнджары на полі бою

Дзякуючы такім чатам удалося вярнуць у строй HIMARS.

Рамонт зброі УСУ, пастаўленай Захадам, часта адбываецца дыстанцыйна. Амерыканскія спецыялісты ў Польшчы раздаюць парады ўкраінскім вайскоўцам праз чаты абароненых аплікацый. Пра гэта гаворыцца ў матэрыяле The Wall Street Journal (пераклад - «Уніан»).

Журналісты расказваюць, як адбываецца камунікацыя паміж 55 амерыканскімі вайскоўцамі ў Польшчы і байцамі УСУ.

Гэтыя вайскоўцы адпраўляюць запыты ўкраінскім калегам на рамонт зброі, якая ўжо знаходзіцца на полі бою, праз абароненыя мэсэнджары.

Для кожнай асноўнай сістэмы ўзбраення ёсць 14 чатаў. Украінцы перасылаюць фота зношаных ствалоў, пытаюцца парады, як зрабіць боепрыпас больш дакладным, альбо як утылізаваць непрыдатную зброю.

Акрамя таго, УСУ дасылаюць эскізы рэканструкцый дэталяў, каб амерыканцы адказалі, ці будзе гэта працаваць на полі бою.

- Гэта хутка вяртае тэхніку на поле бою, - сказаў падпалкоўнік, які адказвае за чаты.

Аднак спецыялісты сыходзяцца ў меркаванні, што зброя, якая пастаўляецца, праслужыла б яшчэ даўжэй, калі б яе рамантавалі спецыялісты з Украіны.

Паведамляецца, што дзякуючы такім чатам удалося вярнуць у строй HIMARS.