1 лютага 2023, Серада, 18:23
Сім сім, Хартыя 97!
Рубрыкі

Войскі РФ, якія ўцякаюць, пакінулі УСУ трафеі з надпісам «сваіх не кідаем»

8
Войскі РФ, якія ўцякаюць, пакінулі УСУ трафеі з надпісам «сваіх не кідаем»

Украінскія байцы пакпілі з акупантаў.

Сілы абароны Украіны сярод зброі, якую кінулі войскі Расеі падчас уцёкаў, знайшлі гранатамёты, боепрыпасы і нават беспілотнік. Прычым на скрынцы ад кінутага беспілотніка было напісана «Сваіх не кідаем».

Журналіст Раман Бачкала ў сваім Telegram-канале апублікаваў відэа, як украінскія вайскоўцы працягваюць знаходзіць узбраенні, якія расейскае войска пакінула падчас уцёкаў са сваіх пазіцый. Гэтым разам знойдзены гранатамёты, боепрыпасы і беспілотнік.

Характэрна, на скрынцы, у якой быў сам беспілотнік, напісана «Сваіх не кідаем» - адзін з дэвізаў, якім ганарацца расейскія акупацыйныя войскі.

УСУ сказалі «дзякуй» акупантам за беспілотнік.

«Асаблівы дзякуй за беспілотнік. Што цікава, калі звярнуць увагу, то на скрынцы з дронам напісана «Сваіх не кідаем». Верым! Не «кідайце», нам падабаецца», - падкрэслілі ў Страткоме УСУ.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».