Экс-брамнік каманды Беларусі ў хакеі Мільчакоў закончыў кар'еру
6- 15.08.2022, 19:30
- 2,286
Ён будзе працаваць трэнерам у Швэцыі.
Экс-брамнік каманды Беларусі і менскага "Дынама" Дзмітрый Мільчакоў закончыў кар'еру ў 36 гадоў.
Былы хакеіст будзе працаваць трэнерам у клубе "Ханальс Кінгс" з чацвёртага дывізіёна чэмпіянату Швэцыі, перадае hanhalsif.se.
Мільчакоў пачынаў кар'еру ў сістэме швэдскага МОДА. Затым беларус выступаў за менскі "Юніёр", мінскае "Дынама", "Віцебск", "Гомель", жлобінскі "Металург", "Юнацтва", чэшскую "Пльзень", казахстанскі "Арлан" і расейскі АКМ.
У рэгулярных чэмпіянатах КХЛ Мільчакоў правёў 42 матчы, адбіўшы 91.8% кідкоў пры каэфіцыенце надзейнасці 2.31. У плэй-оф у актыве Дзмітрыя чатыры гульні (88.2%, 3.26).
У складзе каманды Беларусі Мільчакоў ездзіў на пяць чэмпіянатаў свету (6 матчаў, 87.8%, 4.22) і правёў адну гульню ў алімпійскай кваліфікацыі.