«Танкаў ужо недастаткова, з 30 чалавек засталося 11»: новы перахоп украінскага ГУР
5- 15.08.2022, 16:54
- 11,700
Расейцы, якія знаходзяцца на вайне ва Украіне, паводле дакументаў служаць у Маскве.
Расейскі вайсковец, які знаходзіцца ў Харкаўскай вобласці, у перахопленай гутарцы распавёў, што паводле дакументаў ён знаходзіцца ў Расеі – уважаецца за стралка-гранатамётчыка ў Ямпальскім палку ў Маскве. Пра гэта стала вядома з размовы акупантаў, якую абнародавала Галоўная ўправа выведкі Мінабароны Украіны.
Акупант таксама расказаў аб недахопе выплат. Пры гэтым ён адзначыў, што гаварыць аб гэтым па-за палком забараняецца.
- Грошы мне таксама не плацяць. Я за два месяцы атрымаў 80 тысяч, а павінна ўжо 400 быць, - сказаў ён.
Акрамя таго, расеец узгадаў пра апошні наступ, праз які з асабовага складу захопнікаў выжыла толькі траціна.
- Танкаў ужо бракуе. Танкі ў мяне мруць... З 30 чалавек засталося 11, - сказаў ён.
Таксама ён паскардзіўся на кіраўніцтва.
- Начальства такое кон..нае, бл*яць, нас яб*аць нават свае. Арта х***ыць, проста бывае па нас. Я не думаў, што пасля Чачэніі мне вось гэта. Гэта не вайна - гэта скончанае ўсё. Я кажу, гэта апошні раз, калі я за войска падпісаўся, - дадаў акупант.