Эканоміка Беларусі паказала найгоршы вынік сярод краін ЕАЭС

Найлепшыя тэмпы дэманструе ВУП Арменіі.

За першае паўгоддзе 2022 года валавы ўнутраны прадукт Беларусі ўпаў на 4,2 адсотка. Гэта найгоршы вынік сярод усіх краін Еўразійскага звязу, паведамляецца ў справаздачы Еўразійскага банка развіцця.

Сярод краін ЕАЭС за шэсць месяцаў ВУП скараціўся таксама ў Расеі, але толькі на 0,5 адсотка.

Пры гэтым у Казахстане ён вырас на 3,4 адсотка, Кыргызстане - на 6,3 адсотка, а Таджыкістане - на 7,4 адсотка.

Найлепшы вынік дэманструе Арменія, эканоміка якой з пачатку года прыбавіла ў росце 11,8 адсотка.