Украінскія лётчыкі «пакрышылі» акупантаў у Херсонскай вобласці
2- 6.07.2022, 9:36
- 6,842
Удар быў нанесены ў раёне вёскі Благадатнае.
Украінскія паветраныя сілы ўдарылі са штурмавікоў і гелікоптараў па апорных пунктах акупантаў у Херсонскай вобласці.
Удар быў нанесены ў раёне вёскі Благадатнае. Цяпер вайскоўцы выведваюць, якія страты панеслі захопнікі. Пра гэта паведамляе аператыўнае камандаванне "Поўдзень".
Таксама на Херсоншчыне акупанты здзяйснялі адзіночныя і парныя ўдары з гелікоптараў Ка-52. Яны атакавалі з паветра пераправу праз Інгулец на поўначы Херсоншчыны і двойчы раён вызваленай Іванаўкі. З прычыны гэтага ўкраінскія войскі стратаў не маюць.
Акрамя гэтага, у Херсонскай вобласці адбыўся паветраны бой паміж двума ўкраінскім штурмавікамі і трыма знішчальнікамі расейскіх акупантаў.
На Поўдні ракетна-артылерыйскія ды іншыя падраздзяленні УСУ нанеслі моцныя страты ворагу, ведучы па ім агонь. Так, акупанты страцілі:
18 чалавек з асабовага складу,
2 самаходныя артылерыйска-мінамётныя ўстаноўкі "Нона-С",
1 зенітную ўстаноўку 23-га калібру,
1 гаўбіцу "Мста-Б",
5 адзінак браняванай і аўтамабільнай тэхнікі,
2 склады боепрыпасаў.
У карабельнай групоўцы варожага флоту зменшаная колькасць ракетных носьбітаў – 3 надводныя, 2 падводныя і 1 ВДК. Агульны рыштунак 32 крылатыя ракеты.