Два расейскія «Ураганы» і дзве ТЗМ зрабілі жэст добрай волі і растварыліся на малекулы
1- 5.07.2022, 10:48
- 5,950
Украінскія вайскоўцы паказалі захапляльныя кадры знішчэння акупантаў.
Ваяры Узброеных сілаў Украіны прадаўжаюць "адміноўваць" варожую расейскую тэхніку і акупантаў па ўсіх напрамках. Вайскоўцы паказалі, як рэактыўныя сістэмы залпавага агню "Ураганы" арміі РФ здзейснілі "жэст добрай волі" з украінскай зямлі, піша "Обозреватель".
Спецаперацыю ў знішчэнні варожай тэхнікі выканала 28-я асобная механізаваная брыгада імя Рыцараў Зімовага Паходу. Кадры апублікаваныя на Facebook-старонцы брыгады ў панядзелак, 4 ліпеня.
Яна адбылася пры ўзаемадзеянні пілотаў коптараў выведвальнага батальёна і артылерыі 28 АМБр. Дакладнымі ўдарамі былі знішчаныя два "Ураганы" і дзве ТЗМ (расейская цяжкая транспартна-зараджальная машына са складу цяжкай агнямётнай сістэмы ТГС-1А "Санцапёк").
"28 асобная механізаваная брыгада імя Рыцараў Зімовага Паходу не перастае знішчаць ворага. Два Ураганы і дзве ТЗМ зрабілі жэст добрай волі і растварыліся на малекулы!" – гаворыцца ў паведамленні.